Diagnostika markazi PET (Pozitron emissiya tomografiyasi) PET Toshkentda
PET Toshkentda
Farobiy ko'chasi, 28, Olmazor tumani, ToshkentKlinika "PET Toshkentda" haqida ma'lumot
KOMPANIYA HAQIDA
Bugungi kunda kompaniya "PET-Toshkent" yadroviy tibbiyot markazi sifatida faoliyat yuritadi. Markaz onkologik kasalliklarni diagnostika qilish va radiodori vositasi – ftordezoksiglyukoza (FDG) ishlab chiqarish bilan shug‘ullanadi va hozircha bu yo‘nalishda Markaziy Osiyo (O‘zbekiston, Turkmaniston, Tojikiston, Qirg‘iziston) hududida yagona muassasa hisoblanadi. Ushbu faoliyat turi o‘ziga xos bo‘lgani sababli, kompaniya hozircha faqat Toshkent shahrida birinchi yadroviy tibbiyot markazini tashkil qilgan. Yaqin kelajakda kompaniya o‘z faoliyatini mamlakatning boshqa hududlarida ham kengaytirishni rejalashtirmoqda, bu esa maxsus diagnostika va tibbiy yordamni nafaqat poytaxtda, balki boshqa hududlarda ham aholiga yaqinlashtiradi.
"PET Toshkent" – bu xavfsiz va qulay markaz bo‘lib, harakatlanishi cheklangan fuqarolar, nogironlar uchun ham moslashtirilgan. Bizning markazimizda jihozlangan avtoturargoh, ergonomik kutish zallari, keng zinapoyalar, konditsioner tizimi, markaziy shamollatish va sovitish tizimi, pol isitish, shuningdek, boshqa zarur qulayliklar mavjud. Masalan, kutish xonalarida yumshoq va qulay mebellar, bemorlarning yaqinlari va kuzatuvchilari uchun kabel televideniyesi kabi xizmatlar ko‘zda tutilgan.
"PET Toshkent" mamlakatdagi eng yirik onkologiya markazi – RO‘NTSga (Beruniy metro bekati, RO‘NTSgacha 300 metr) juda yaqin joylashgan. Kompaniyamiz mutaxassislari – Rossiyaning yetakchi federal markazlari hamda xorijdagi nufuzli universitet klinikalarida tahsil olgan va amaliyot o‘tgan yuqori malakali vrach-radiologlardir.
PET/KT diagnostikasi uchun zarur bo‘lgan radiofarmvositalar (RFV) "PET Toshkent" hududida ishlab chiqariladi. Bu yerda zamonaviy GE MiniTrace Qilin (AQSh-Shvetsiya) tibbiy tsiklotroni va FastLab 2 sintez moduli o‘rnatilgan. FDG (ftordezoksiglyukoza) sintezi va dozalanishi zamonaviy TEMA SINERGIE (Italiya) kompaniyasining issiq bokslarida amalga oshiriladi, flakonlarga qadoqlash esa maxsus COMECER (Italiya) issiq boksida olib boriladi. FDG ishlab chiqarish jarayoni barcha xalqaro standartlarga to‘liq mos keluvchi toza xonalarda amalga oshiriladi. "PET Toshkent markazi" ishlab chiqarilgan FDG sifatini nazorat qilish uchun laboratoriya va maxsus nazorat uskunalari bilan ham jihozlangan.
Qisqasi, "PET Toshkent Markazi" – bu FDG ni ishlab chiqarish, sintez, dozalash, flakonga qadoqlash, sifat nazorati va bemorlarni PET orqali tekshirish kabi bosqichlarning uzluksiz zanjiridir. Bu jarayonlarning barchasi aynan "PET Toshkent Markazi" hududida amalga oshiriladi. Markazda zamonaviy tibbiy uskunalarning yagona liniyasi qo‘llaniladi. Barcha uskunalar GE Healthcare (AQSh) kompaniyasining yuqori malakali muhandislari tomonidan muntazam texnik xizmat ko‘rsatishdan o‘tkaziladi.
"PET-Toshkent Markazi" kompaniyasining siyosati – zamonaviy diagnostik yordamni xalqaro tibbiy protokollar va sifat standartlariga muvofiq, yuqori professional darajada ko‘rsatishdir.
Bizning shiorimiz: Sizning sog‘lig‘ingiz – bizning yutug‘imiz.
Klinikaga qo'ng'iroq qilish: +998-78-777-03-03Klinikadagi narxlar PET Toshkentda
PET (Pozitron emissiya tomografiyasi)
Batafsil ma'lumot olish, savol berish va qabulga yozilish uchun telefon orqali qo'ng'iroq qiling:+998-78-777-03-03
Izohlarni nashr qilish qoidalari
Foydalanuvchilar nomaqbul so'zlardan foydalanish, milliy va diniy qarama-qarshiliklarga da'vat etish, ekstremistik, millatchi, irqchi xarakterdagi bayonotlarni, inson qadr-qimmatini haqoratlash, shuningdek, O'zbekiston Respublikasi qonunchiligini buzuvchi boshqa bayonotlardan foydalanish qat'iyan man etiladi.Sayt ma'muriyati tomonidan belgilangan qoidalarni buzganlik uchun Foydalanuvchining fikri oldindan ogohlantirmasdan o'chiriladi.
Salbiy izohni nashr qilish uchun tibbiy markaz ma'muriyati siz bilan bog'lanishlari va barcha kerakli choralarni ko'rishlari uchun haqiqiy telefon raqamingizni ko'rsatishingiz kerak.
Tibbiy markaz haqida izohlar va sharhlar: