Ashimov Botir Bobokulovich

Кеча мен учун муҳим операция — синус лифтинг муваффақиятли ўтди. Шу муносабат билан Dentario Clinic жамоасига катта миннатдорчилик билдирмоқчиман.

Айниқса шифокорим — Ботир Бобокулович Ашимовга алоҳида раҳмат! У киши нафақат юқори малакали гнатолог, стоматолог-терапевт, хирург ва ортопед, балки жуда ҳам инсонпарвар, беморнинг ҳолатини чуқур ҳис қила оладиган шифокор экан.

Операциядан олдинги консультация пайтида ҳам менинг жисмоний ва руҳий ҳолатимни синчиклаб ўрганиб, тушунтириб берди, ишонч бағишлади, кайфиятимни кўтарди. Бу эса операцияга хотиржам киришимга катта ёрдам берди.

Операция жараёнида эса жамоа билан жуда профессионал ишлади: ассистентларига аниқ вазифалар бериб, бир вақтнинг ўзида менинг ҳолатимни ҳам доим сўраб турди. Ёқимли мусиқа, самимий муҳит, ҳатто ҳазил-мутойибалар билан ҳаммамизнинг кайфиятимизни кўтариб, жуда енгил ва хотиржам атмосферада операцияни аъло даражада якунладилар.

Ассистентлар ва бутун клиника жамоасига ҳам алоҳида раҳмат — меҳр, эътибор ва профессионализмингиз учун!

Шифокор танлашда иккиланиб турганлар учун бемалол тавсия қиламан. Бу ерда сиз нафақат юқори даражадаги тиббий хизмат, балки ҳақиқий ғамхўрлик ва инсоний муносабатни ҳам ҳис қиласиз.