TIHE – tibbiyot sohasining yetakchi koʼrgazmasi!

«Sogʼliqni saqlash – TIHE 2022» yetakchi xalqaro tibbiyot koʼrgazmasi 12-apreldan 14-aprelga qadar «Oʼzekspomarkaz» MKMning markaziy pavilonlarida (№1 va 2) yana bir bor professionallarni bir maydonda jamlamoqda.

TIHE 1995-yilda Toshkentda oʼtkazilgan birinchi tibbiyot koʼrgazmasi hisoblanadi. Soha mutaxassislari sogʼliqni saqlash sohasini rivojlantirish, tajriba almashish va eng yangi tibbiy asbob-uskunalar va texnologiyalar bilan tanishishda uning katta ahamiyatga ega ekanligini tasdiqlamoqda. Har yili koʼrgazma maydoni tibbiyot sohasidagi yangiliklarni, mavjud amaliyotlarni va ilgʼor texnologiyalarni muhokama qilish uchun ishlab chiqaruvchilar, yetkazib beruvchilar, dilerlar va amaliyotchilarni yigʼadi.

Bu yil koʼrgazmada oʼz ishtirokini 15 ta davlatlardan 150 ta kompaniya va brendlari tomonidan tasdiqlangan boʼlib,
✅ tibbiy asbob-uskunalar va texnologiyalar;
✅ dori-darmonlar;
✅ farmatsevtika sanoati uchun uskunalar va texnologiyalar;
✅ stomatologiya uchun uskunalar va texnologiyalar;
✅ laboratoriya uskunalari va sarf materiallari
kabi mahsulotlarni namoyish etadilar.

Koʼrgazmaga tashrif etish uchun https://bit.ly/TIHE_clinics koʼrgazma veb-saytida roʼyxatdan oʼting. Bugungi kunga qadar 2500 kishi onlayn roʼyxatdan oʼtdi. Roʼyxatdan oʼtish davom etmoqda.

Koʼrgazma doirasida bir qator ixtisoslashtirilgan seminarlarni oʼz ichiga olgan “Sogʼliqni saqlashda zamonaviy texnologiyalar” ilmiy-amaliy dasturi (12-14-aprel kunlari) oʼtkaziladi.

Koʼrgazmaning uch kuni sogʼliqni saqlash sohasiga, davlat tibbiyot muassasalarini zamonaviylashtirishga, gospitallar, shifoxonalarni jihozlashga, shuningdek, amaliyotchi shifokorlarning malakasini oshirishga koʼmaklashadigan keng turdagi mahsulotlar, uskunalar va texnologiyalarga boy samarali koʼrgazma maydoniga aylanadi.

Tadbir tashkilotchilari - Iteca Exhibitions va uning hamkori – ICA Eurasia xalqaro koʼrgazma kompaniyalari.